വിരുന്ന്
.............
വാതിൽ കൊട്ടി അടക്കരുത്
നട്ടുച്ചയ്ക്ക് അവർ വരും
ഒരു കടലാസു കഷ്ണവും കത്തിച്ച്
ലോകം നിന്ന് കത്തുമ്പോഴും
കണ്ണ് കാണാത്തവർ.

നെഞ്ചോടു ചേർത്ത് പിടിക്കണം
തുടിപ്പാലറിയണം
ഒരു മിടിപ്പിൽ തുളുമ്പുന്ന ജീവൻ.

ഒരു പിടി അന്നം പാത്രത്തിൽ
ബാക്കി വെച്ചേക്കണം
ഉപ്പു ചേർത്തു വിളമ്പണം
വിശപ്പിൻ്റെ വിലയറിയുവോർ നമ്മൾ

ഒരു തുള്ളി കണ്ണീർ ബാക്കി വെച്ചേക്കണം
അഹകാരത്തിൻ്റെ ശവപ്പെട്ടി മേൽ
ഒറ്റപ്പൂവായി വെയ്ക്കാൻ

ഒന്നു പറയാനൊരു വാക്കു കരുതണം
നന്ദി,
എന്നതിനൊരർഥവും

നോവിൽ എരിപുരട്ടും
ധിക്കാരത്തിന് ഉറങ്ങാൻ
ആറടി മണ്ണും.
                 
               ഗിരീഷ് കുമാർ