മതിലിടങ്ങൾ
______________

ഇന്നലെവരെ ഹൃദയം കൊണ്ട് ഒന്നായ നമ്മെ ഒറ്റരാത്രികൊണ്ട് ആരോ നാടുകടത്തിയിരിക്കുന്നു.

 ഇന്നലെവരെ ഒന്നായി പോയ നമ്മെ ഇന്ന് ആരോ  മതക്കാരൻ ആക്കിയിരിക്കുന്നു.

നമ്മുടെ കാഴ്ചയെ കുത്തി പൊട്ടിച്ചിരിക്കുന്നു. കേൾവിയിൽ തീ കോരി ഒഴിച്ചിരിക്കുന്നു.
തലോടലിൽ ലാവ പടർത്തിയിരിക്കുന്നു.
ഹൃദയം കല്ലായിരിക്കുന്നു.
കണ്ണീർ ചോരയായിരിക്കുന്നു .

പ്രിയ സുഹൃത്തേ
നാം ഇപ്പോൾ ശത്രു രാജ്യത്താണ് താമസം.

നിൻറെ വിശപ്പും നിലവിളിയും എനിക്ക് ഹരം പകരുന്നു.
നിൻറെ നോവുകൾ എൻറെ ആഘോഷങ്ങൾ നിൻറെ വീഴ്ചകൾ എൻറെ വിജയങ്ങൾ.

നിൻറെ പെങ്ങളുടെ അടിവയറ്റിലെ ചോരകൊണ്ട് ഞാൻ പൂജ ചെയ്യും മക്കളുടെ രക്തം കൊണ്ട് അഭിഷേകവും

അപ്പോൾ,
 നമ്മുടെ നോവും പശിയും നിരാലംബതയും സ്നേഹവും തോൽപ്പിക്കും  വരെ നമുക്ക് ശത്രുപാളയ ങ്ങളിൽ കഴിയാം
അല്ലേ ?
അപ്പോഴേക്കും ഈ മതിൽ മാനംമുട്ടെ വളർന്നിട്ടുണ്ടാകും.
                               ഗിരീഷ് മടവൂർ