മടക്കം, പക്ഷേ
...........................
കയ്യോഴിയുക
ആകാശമേ, അലകടലേ
ദൈവങ്ങളേ - വേണ്ട ,ഇനി
പിറവിയ്ക്കായ് ഒരു ജൻമം.

കണ്ണൊഴിയുക
ജീവ കോടികളേ, മാമരങ്ങളേ
പൂക്കളേ
കീറിയെറിഞ്ഞതിനെ
ചേർത്തുവെയ്ക്കുന്നതെങ്ങനെ?

തൊട്ടൊഴിയുക
ജലകണങ്ങളേ, മൺതരികളേ
നിഷ്കളങ്കം
കണ്ണീരുപ്പായ് കാലം
ഇനി മടങ്ങുവതെങ്ങനെ?

കൂട്ടിന്നു വരരുത് കളിചിരികളേ
പിണക്കങ്ങളേ,പൈദാഹങ്ങളേ
അഭിനയമായിരുന്നെല്ലാം
തകർത്തുല്ലസിക്കുവാൻ.

മടങ്ങുന്നു പക്ഷേ,
ഒരിക്കൽ
ജീവനിൽ വിഷം പുരട്ടിയ
അമ്പുകോർത്തു ഞാനെത്തും
നിൻ്റെ പൊട്ടിച്ചിരിയുടെ
ലിംഗമറുക്കുവാൻ.
            ഗിരീഷ് മടവൂർ