തോർച്ച
... :............തുലാവർഷം ഉച്ചയ്ക്ക്
കൂക്കിയാർത്തു വരും
നെഞ്ചിലിടിച്ച് കളിരു കോരി
ആർത്തു പെയ്തങ്ങനെ '
നീ തന്ന ചൂടൊക്കെയും
വാർന്ന്
അപ്പോൾ ജലശയനം വരും
ഉച്ചമയക്കത്തിൻ്റെ ജനൽപ്പടിയിൽ
മരണവും നീയും
പിന്നെ വാർത്തു വെച്ച
മധുചഷകം ചില്ലു കഷണങ്ങൾ
ചുറ്റിയടിക്കുന്ന കാറ്റിൽ
ഒരിലയായി
നീ തേടും വഴിയൊക്കെ
വഴി പിഴച്ചോടുന്നു പിന്നെയും
ഓർത്തുവെയ്ക്കാൻ
തണുത്ത വിയർപ്പും
കാറ്റിലലിഞ്ഞ നേർത്ത ശ്വാസവും
ഓരോ ഉമ്മയ്ക്കും
ആർത്തുവിളിയ്ക്കുന്ന
ഒരുവൾ വേണം, ഒന്ന്
തുലാമഴയായി
പെയ്തു തോരാൻ.
No comments:
Post a Comment