മേഘങ്ങളിലെ ആകാശം
..............................................കണ്ണീർത്തുള്ളികൾക്കിനി
നിലനിൽക്കാനാകില്ല
മേഘങ്ങളിലെ ആകാശം പോലും
ഇരുണ്ട് തുടങ്ങിയിരിയ്ക്കുന്നു.
കറുത്ത മൗനങ്ങൾക്കിനി
മരണം മാത്രം സാക്ഷി
പുഴയിലൊഴുകുന്ന ശവം
ആരോ കരക്ക് എത്തിച്ചെന്ന്.
ജീവിക്കുമ്പോഴും മരിക്കയാണ്
നല്ലതെന്ന് പൂക്കൾ , കുട്ടികൾ, കിളികൾ
പറക്കാനായി ചിറകു പൊഴിച്ചവർ
പോയ വഴി കണ്ടില്ലേ?
നിലവിളക്കിൽ പശിയുടെ പാളും തിരികൾ
നാട്ടിൽ പന്തം കൊളുത്തി പ്രകടനം
ഇരുളും മൗനത്തിനൊടുവിൽ
"അല്പം കൂടി വാചാലമാകട്ടെ"
എന്ന് ഹർഷാരവം.
No comments:
Post a Comment