കടം

 

തന്നതൊക്കെയും കരയുന്നുണ്ടുള്ളിൽ തിരിച്ചു തരാനാവാതെ ഇപ്പൊഴും

ചോദിച്ചതൊക്കെയും വിങ്ങിപ്പൊട്ടുന്നുണ്ടു ള്ളിൽ

രാവൊഴിഞ്ഞ പൂരപ്പറമ്പാരും കണ്ടില്ലല്ലോ?

കൊതിച്ചതൊക്കെയും

മുളച്ചു മുൾക്കാടായ്

വിരുന്നിനെത്തുന്നു കനവുകൾ പിന്നെയും

വഴിയായ് വാക്കില്ലാതെ

ഇതളായ് പൂവാവാതെ

ഇഴയായ് വെയിലാവാതെ

മഴയൊരു തുള്ളിക്കടലായ്

വീണിരമ്പുന്നു 

കൺകളിൽ

പുറത്തേക്ക്

ഒഴുകാനാവാതെ .

                  ഗിരീഷ് കുമാർ